Një ngjarje e rëndë ka trishtuar familjarët e futbollistit kosovar Alban Shillova, pasi bashkëshortja e tij është ndarë nga jeta në moshë fare të re mëngjesin e sotëm. Mediat në Kosovë nuk japin detaje rreth shkakut të ndarje së parakohshme nga jeta të Kaltrinës.
Lajmin e hidhur e ka bërë publik edhe vetë futbollisti i skuadrës së Prishtinës, i cili me dhimbje njofton humbjen e së shoqes.
“Me pikëllim të thellë dhe zemra të thyera ju njoftojmë që Kaltrina jonë e dashur ndërroi jetë! Varrimi bëhet në fshatin Zllatar”, thuhet në njoftimin e tij.
