Një tërmet i forte goditi zonën e populluar dendur të Qytetit të Nju Jorkut sot pohoi Shërbimi Gjeologjik i Shteteve të Bashkuara, teksa banorët kanë raportuar se kanë ndier luhatjet e tokës edhe në mbarë verilindjen e shtetit.
Tërmeti ishte 4.7 shkallësh dhe epiqendra e tij ishte në Nju Xhersi, apo rreth 72 kilometra në perëndim të Qytetit të Nju Jorkut dhe 80 kilometra në veri të Filadelfias. Zjarrfikësit në Nju Jork thanë se sipas informacioneve të para, nuk raportohet për dëme. Edhe banorët në Boston, e Konektikat po ashtu kanë ndierë dridhjet e tokës. Shërbimi Gjeologjik amerikan tha se tërmeti mund të jetë ndierë nga më shumë se 42 milionë persona. Guvernatorja e Nju Jorkut, Kathy Hochul, shkroi në X – që më herët njihej si Twitter – se tërmeti u ndie në mbarë shtetin, thote REL. “Ekipi im po vlerëson ndikimin dhe çdo dëm që mund të jetë shkaktuar”, tha ajo.
Lekundjet e tokës rikthejnë në kujtesë 23 gushtit të vitit 2011, kur një tërmet preku dhjetëra miliona persona nga Xhorxhia e deri në Kanada. Ai tërmet ishte i shkallës 5.8 dhe u konsiderua si më i fuqishmi që goditi SHBA-në që nga Lufta e Dytë Botërore.
