Catherine, Princesha e Uellsit, ka dalë nga spitali pothuajse dy javë pasi iu nënshtrua një operacioni abdominal. Një deklaratë nga Kensington Palace tregon se princesha tani është kthyer në shtëpinë e saj në Windsor, por pa dhënë asnjë detaj më shumë, duke bërë që e gjithë kjo situatë të nxisë edhe më shumë kureshtjen e publikut.
Middleton doli nga spitali privat i London Clinic pa bërë asnjë paraqitje publike. Nga familja mbretërore nuk ka asnjë fjalë mbi natyrën e saktë të operacionit të cilit ajo i është nënshtruar: gjithë cfarë thuhet është se princeshës mund t`i duhen muaj të tërë kohë për të marrë veten.
Katerina ka qëndruar në të njëjtin spital me mbretin Charles, i cili e vizitoi nusen e djalit përpara se t`i nënshtrohej dhe vetë një ndërhyrjeje për prostatën të premten.
