Aktori i Koresë së Jugut "Squid Game" Oh Young-soo është shpallur fajtor për sjellje të pahijshme seksuale, pasi ai u akuzua për sulmin ndaj një gruaje në vitin 2017.
79-vjeçari është dënuar me tetë muaj burg dhe është dënuar të ndjekë 40 orë mësime për dhunën seksuale. Ndonëse shprehu keqardhjen teksa shkonte për në seancën e tij të parë gjyqësore në shkurt 2023, përsëri ai mohon akuzën për sulm të pahijshëm, i cili parashikonte një dënim të mundshëm me burg deri në 10 vjet.
Prokurorët e akuzuan Oh Young-soo në vitin 2022 pasi gruaja, e cila nuk u identifikua, paraqiti një ankesë, duke e akuzuar atë për sulm seksual në dy raste. Incidentet ndodhën kur Oh ishte duke qëndruar në një zonë rurale për një shfaqje teatrale në vitin 2017, në një rrugicë, përpara banesës së viktimës.
Gjykatësi Jeong Yeon-ju tha se të dhënat e viktimës për sulmin dhe pretendimet e saj ishin “të qëndrueshme dhe duket se janë deklarata që nuk mund të bëhen pa i përjetuar ato”.
Në vitin 2022, 79-vjeçari u bë i pari koreanjugor që fitoi një çmim Golden Globe për aktorin më të mirë në rol dytësor në një serial për performancën e tij, si një plak në dukje i pambrojtur në thrillerin distopian të Netflix-it.
