Familja e Michael Schumacher ka fituar procesin ligjor kundër botuesit të një reviste, e cila publikoi një intervistë të gjeneruar nga Inteligjenca Artificiale me të madhin e Formula 1.
Revista e njohur gjermane “Die Aktuelle” promovoi kopertinën e saj në prill 2023 me fjalët, "Intervista e parë e Michael Schumacher!". Madje bëri sikur kishte marrë deklaratë nga ai, duke përdorur frazat e tij në thonjëza për të rritur interesin, “Jeta ime ka ndryshuar tërësisht".
Zëdhënësja e familjes Sabine Kehm i tha “Associated Press” me email të enjten se veprimi ligjor kishte përfunduar me sukses, pa bërë asnjë koment të mëtejshëm. Shuma e kompensimit thuhet se është 200 000 euro (217 000 dollarë). Ndërkohë që botuesi gjerman i revistave Funke i kërkoi falje familjes së Schumacher vitin e kaluar për artikullin dhe shkarkoi kryeredaktorin e “Die Aktuelle”.
-
Çiftet që ka prodhuar “Big Brother VIP”!
25 Maj, 11:58
“Ky artikull i dobët dhe mashtrues nuk duhet të ishte shfaqur kurrë. Ai në asnjë mënyrë nuk i përmbush standardet gazetareske që ne dhe lexuesit tanë presin”, thuhej në deklaratën e revistës pas dhënies së dëmshpërblimit.
Schumacher ra në dhjetor 2013 gjatë skijimit në Alpet Franceze në Meribel dhe pësoi një dëmtim thuajse fatal në tru, pasi koka e tij u godit në një gur. Që kur u transferua nga spitali në shtator 2014, shtatë herë kampioni i F1 ka marrë përkujdesje privatisht në shtëpi në Zvicër.
55-vjeçari Schumacher u tërhoq nga F1 në 2012 pasi fitoi 91 gara dhe pesë tituj radhazi me Ferrarin nga 2000-2004. Dy titujt e tjerë të pilotit gjerman ishin me Benetton në 1994 dhe 1995.
Çiftet që ka prodhuar “Big Brother VIP”!
Diddy akuzohet sërish për sulm seksual!
