Prej disa javësh tashmë, marrëdhënia e ish-banorëve të “Big Brother VIP Albania 3”, Sara Gjordenit dhe këngëtarit Bardhi, ka qenë kryefjalë e mediave rozë. Ndërkohë, mes shumë reagimeve për lidhjen e dyshes, dalloi dhe skepticizmi i thellë i treguar nga babai i Sarës, vetëm se ndryshe nga sa mund të pritej, ai në këtë mes “qan edhe hallin” e reperit.
“Bardhi është më i vogël nga ajo, po qe me mend në kokë, unë vajzë e kam të mirën i dua, po qe me mend në kokë të krijojë një familje të rregullt, se i bie muhabeti sa ke lënë ti Sara që erdhe tek unë. Për mua, unë nuk dua të bëhet ky muhabet, Bardhi është çun flori, se i lexova dhe karakteristikat e tij”, është shprehur i ati i modeles.
Me herët, Artur Gjordeni, pasi mohoi akuzat e së bijës se babai kishte dashur ta helmonte në moshë më të vogël, së fundmi ka paralajmëruar ish-banoren e “BBVIP 3” se do ta ndjekë penalisht. Duke hedhur poshtë pretendimet e Sarës e cila ishte shprehur më herët se i ati nuk e kishte kërkuar kurrë, Artur Gjordeni shprehet se ka qenë vetë e bija që nuk kishte dashur ta takonte.
