Diogo Jota, sulmuesi portugez i Liverpoolit, vdiq në moshën 28 vjeç në një aksident të tmerrshëm me makinë në Spanjë. Ai ishte martuar vetëm 10 ditë më parë dhe postimet e tij të fundit në rrjetet sociale ishin foto dhe imazhe nga dasma.
Diogo ishte në makinë me vëllanë e tij, Andre Silva, një futbollist te FC Penafiel. Ai kishte lidhur së fundi kurorë me të dashurën e tij, Rute Cardoso, me të cilën kishte tre fëmijë. Të dy e kishin planifikuar jetën e tyre së bashku dhe nuk e prisnin që fundi të vinte kaq shpejt.
Para se të ndërronte jetë, vetëm pak orë para aksidentit, futbollisti kishte postuar një video në Instagram të filmuar ditën e dasmës së tij, ku shprehej aq me fat dhe i lumtur me jetën e tij.
Tifozët janë të shokuar dhe lënë qindra komente në video, duke shprehur keqardhjen e tyre për vdekjen e 28 vjecarit: "Çfarë tragjedie!" , "U prehtë në paqe", "Është e pabesueshme!", janë vetëm disa nga komentet e fansave.
