Marina Vjollca që prej fillimit të Kampionatit Europian po prezanton programin e mbrëmjes “Kampionët” në televizionin Klan.
Çdo mbrëmje moderatorja sikurse pritej ka shkëlqyer në moderimin e programit sportiv, një rikthim i saj në këtë format ose sikurse ajo e cilësoi në nisje të këtij rrugëtimi një rikthim te dashuria e saj e vjetër.
E teksa Kampionati po mbaron Marina me anë të një postimi në rrjetin e saj social ka kërkuar ndihmën e ndjekësve, ku shprehet se prej një muaji vuan nga pagjumësia, pasi programi mbaron shumë vonë dhe në mëngjes rreth orës 6:00 zgjohet për shkak të vajzës Marget e më pas përgatitjet për programin e mbrëmjes dhe angazhimet e tjera nuk e lënë të pushojnë aspak.
“Si t’ja bëj, në mënyrë që të rezistoj edhe një javë pa gjumë?”, thotë Marina.
Teksa të shumtë do të kenë qenë ndjekësit që do i kenë dhënë këshilla moderatores në privat, ne jemi të bindur që edhe këto net që kanë mbetur pavarësisht lodhjes Marina do të bëjë më të mirën e saj.
