KreuStil Jetese

Vetëm 7 vende thithin ajër të pastër, sipas OBSH!

Vetëm 7 vende thithin ajër të pastër, sipas OBSH!

Vetëm 7 vende nga 134 shtete të marra në studim arritën standardet e Organizatës Botërore të Shëndetësisë për ajrin e pastër vitin e kaluar, sipas të dhënave të cilësisë së ajrit të përpiluara nga IQAir, një kompani zvicerane.

7 shtetet që plotësonin kushtet e vendosura nga OBSH, më konkretisht janë, Australia, Estonia, Finlanda, Grenada ( Ishujt e Karaibeve), Islanda, Mauritius dhe Zelanda e Re.

Vetëm 7 vende thithin ajër të pastër, sipas OBSH!

Ndotja e studiuar quhet grimca e imët ose PM2.5, sepse i referohet grimcave të ngurta me madhësi më të vogël se 2.5 mikrometra: mjaft të vogla që hyjnë në qarkullimin e gjakut. PM2.5 është forma më vdekjeprurëse e ndotjes së ajrit, duke çuar në miliona vdekje të parakohshme çdo vit.

“Ndotja e ajrit dhe ndryshimi i klimës kanë të dy të njëjtin fajtor, që janë lëndët djegëse fosile”, tha Glory Dolphin Hammes, CEO i divizionit të Amerikës së Veriut të IQAir.

Organizata Botërore e Shëndetësisë vendos një udhëzim që njerëzit nuk duhet të thithin më shumë se 5 mikrogram grimca të imta për metër kub ajër, mesatarisht, gjatë një viti. Agjencia Amerikane për Mbrojtjen e Mjedisit kohët e fundit propozoi shtrëngimin e standardit të saj nga 12 në 9 mikrogramë për metër kub.

 

Bordo
Shtator - No.63

SHKARKO VERSIONIN PDF