connor storrie

EDITORIAL

×
Connor Storrie dhe Hudson Williams vodhën gjithë vëmendjen në Oscars 2026! - Celebrity
KreuCelebrity

Connor Storrie dhe Hudson Williams vodhën gjithë vëmendjen në Oscars 2026!

Në vetëm pak muaj, Connor Storrie dhe Hudson Williams janë shndërruar nga emra pak të njohur në dy prej fytyrave më të përfolura të Hollywood-it. Dyshja u bë e famshme falë rolit të tyre në serialin “Heated Rivalry”, ku interpretuan një romancë të ndaluar në botën e ashpër të sportit hokejit profesional një performancë që ndezi rrjetet sociale dhe fitoi një bazë të madhe fansash.

Suksesi në ekran është reflektuar edhe jashtë tij. Storrie dhe Williams tashmë janë të ftuar të rregullt në eventet më të mëdha të industrisë, nga ceremonitë prestigjioze deri te festat ekskluzive. Prania e tyre në tapetin e kuq tërheq gjithmonë vëmendje, ndërsa paraqitja e fundit e Williams në sfilatën e Balenciaga për vjeshtë 2026 vetëm sa konfirmoi statusin e tyre si ikona të reja të stilit.

Me një fanbase prej afro katër milionë fansash në rrjetet sociale dhe zëra për një paraqitje të mundshme në Saturday Night Live, dy aktorët duket se po përjetojnë një ngjitje të shpejtë drejt majës së famës.

Connor Storrie dhe Hudson Williams vodhën gjithë vëmendjen

Në prag të Oscars 2026, spekulimet nëse ata do të shfaqeshin bashkë ishin të shumta. Fansat morën përgjigjen e shumëpritur në Vanity Fair Oscar Party, ku dyshja u rikthye së bashku dhe tërhoqi menjëherë vëmendjen e mediave.

Storrie u shfaq me një veshje elegante nga koleksioni i Saint Laurent për meshkuj, i dizajnuar nga Anthony Vaccarello, të kombinuar me aksesorë nga Tiffany & Co. Ndërkohë, Williams zgjodhi një bluzë të tejdukshme pa mëngë nga Balenciaga, të plotësuar me bizhuteri nga Bulgari. Me veshje që përputheshin në mënyrë të pashmangshme, edhe pse sipas tyre rastësisht, ata dëshmuan se kimia e tyre si në ekran ashtu edhe jashtë tij mbetet një nga më të komentuarat në Hollywood.

Me këtë paraqitje, Connor Storrie dhe Hudson Williams konfirmojnë se janë një dyshe që nuk do të largohet shpejt nga qendra e vëmendjes.

Galeria fotografike

Tags:

connor storrie hudson williams

Bordo No.93
Prill 2026

SHKARKO VERSIONIN PDF

Celebrity

ME SHUME NGA KJO KATEGORI