Vetëm pak ditë pas lajmit se Eneda Tarifa nuk do të jetë më pjesë e panelit të trajnerëve në The Voice, disa orë më parë këngëtarja ka njoftuar se i është besuar një tjetër spektakël i madh. Bëhet fjalë për programin maratonë të Vitit të Ri në ekranin e Tvsh, ku Eneda krahas moderimin edhe do të aktrojë e sigurisht këndojë. “Tok Tok 2019”, e ka rikthyer shumë shpejt këngëtaren në ekran, ku do të shfaqet krahë disa prej emrave më të njohur të aktrimit, humorit e muziës shqiptare. Në fakt kjo eksperiencë eshtë paksa e ngashme me atë të Portokalli ku Tarifa moderoi për rreth gjashtë vite.
