Episodi 5 i sezonit 8 të “Game of Thrones” ndau fansat për opinionet e tyre si asnjëherë më parë, pasi panë zhvillimet në betejë. Shumë prej tyre nuk e pëlqyen evolucionin e Daenerys (që me sa duket stonon dhe për vetë aktoren Emilia Clarke) gjatë këtij episodi. Fansat e cilësuan çmendurinë e tepruar dhe ligësinë si një element që ka shkatërruar skenarin e serialit. Tërbimi i fansave është edhe për evolucionin e Jaime, që pak episode më parë ishte protagonist me sjellje prekëse dhe heroike.
Për ata që e humbën, ja çfarë ndodhi në serinë e kaluar në GOT:
Mbrëmja e së dielës në HBO, ishte më e përgjakshmja ndonjëherë. Ishte episodi më brutal që mund t’ua kenë parë sytë… Personazhet e serialit më të ndjekur të të gjitha kohërave, Game of Thrones, u përfshinë në një betejë e cila rezultoi me shkatërrimin e qytetit mbretëror, apo Red Keep.
Daenerys nisi luftën kundër Cerceit, duke e marrë dhunshëm atë që ajo mendon se i takonte, Fronin e Hekurt, edhepse iu desh t’i digjte të gjallë të gjithë banorët e qytetit. Me mijëra njerëz humbën jetën…Me dragoin e saj, ajo i vu flakën të tërë qytetit, dhe vrau edhe disa nga figurat kyçe të serialit dhe personazhi i preferuar i shumëkujt, humbi jetën mbrëmë. Përfshirë Cercein dhe Jamie Lannister, vdiqën edhe Lord Varyes. Pavarësisht se qyteti dorëzohet, Daenerys vazhdon hakmarrjen e saj e zemëruar me të gjithë, përfshirë Jon Snoë, për të cilin mendon se e tradhtoi duke ua treguar të tjerëve identitetin e tij.
E etur për pushtet ajo nuk la askënd të shpëtojë, përveç sigurisht Aryas, Jon Snoë dhe Tyrion, të cilët janë mjeshtër të të mbeturit gjallë edhe në luftërat me dragonj
Galeria fotografike
