Aktorja e njohur Jennifer Aniston ishte e ftuar në programin e mëngjesit “The One Show” në të cilin pati një moment të vështirë kur drejtuesi i shfaqjes televizive e mërziti dukshëm duke i ndërprerë fjalën asaj dhe duke e akuzuar se nuk ishte një person i mëngjesit.
Ish-ylli i “Friends” 52 vjeçe ishte për të diskutuar se si ishte filmimi i sezonit të 2-të të dramës së saj Apple TV+, “The Morning Show”, në të cilin ajo luan së bashku me Reese Witherspoon. Skena e ashpër filloi pasi Aniston po fliste për atë se si ishte të filmosh skena në orët e hershme të mëngjesit. Atëherë Jenas e ndërpreu Aniston për t’i bërë një pyetje Witherspoon, duke nënkuptuar se Aniston nuk i pëlqen të zgjohet herët. “Reese, duhet të jem e sinqertë me ty, Jennifer më tregoi shumë se ajo nuk është një person i mëngjesit”, tha ai, në të cilën Aniston u shfaq e habitur. Witherspoon vazhdoi pa probleme bisedën, duke i thënë Jenas: “Jo, unë jam padyshim një person i mëngjesit. Jen dhe unë flasim për këtë gjatë gjithë kohës. Unë jam personi i mëngjesit dhe ajo është më shumë një person i natës”.
Njerëzit nisën të debatonin në rrjetet sociale nëse Jenas, ishte në gabim apo Aniston po reagonte tepër. “The One Show na vjen keq, por nuk mendoj se Jennifer Aniston ishte aspak e pasjellshme dhe është e vrazhdë të ndërpresësh dikë kur flet, njerëzit duhet të qetësohen”, shkroi një shikues.
