Duka dhe Dukesha e Sussex-it po jetojnë momente të rëndësishme dhe të diskutueshme, pasi seriali i Netflix që tregon jetën e tyre është shoqëruar me polemika të shumta. Por përveç kësaj, të martën, më 6 dhjetor, atyre iu dha çmimi Robert F. Kennedy Ripple of Hope 2022, falë ndikimit social që ka pasur fondacioni i tyre bamirës ArcheWell Foundation.
Ceremonia u drejtua nga Alec Baldwin i cili mori pjesë me gruan e tij Hilaria. Çmimi “Ripple of Hope” iu dha atyre si personazhe që janë “liderë shembullorë në qeveri, biznes, dhe argëtim, të cilët kanë demonstruar një përkushtim të palëkundur ndaj ndryshimeve shoqërore dhe kanë punuar për të mbrojtur dhe promovuar barazinë, drejtësinë dhe të drejtat e njeriut”. Të nderuarit e mëparshëm përfshijnë presidentin Barack Obama.
Ata u bashkuan në këtë ngjarje me Kerry Kennedy, vajza e Bobby Kennedy dhe ish-bashkëshortja e ish-guvernatorit të Nju Jorkut, Andreë Cuomo, mes të famshëmve të tjerë. Të nderuarit e tjerë përfshinin legjendën e NBA-së, Bill Russell, si dhe presidentin ukrainas Volodymyr Zelenskyy dhe udhëheqës të tjerë.
Robert F. Kennedy Human Rights vuri në dukje se si Princi Harry dhe gruaja e tij, amerikanja Meghan Markle, “kanë demonstruar një angazhim të përjetshëm për ndërtimin e komuniteteve të forta dhe të barabarta” dhe kanë përqafuar hapur bisedat rreth shëndetit mendor dhe drejtësisë racore.
“Çifti ka spikatur gjithmonë për gatishmërinë e tyre për të folur dhe për të ndryshuar ngjarjen rreth drejtësisë racore dhe shëndetit mendor në mbarë botën”, tha Kerry.
