Një përdoruese e TikTok-ut ka treguar se sa paguhet për të qenë nënë bartëse (surrogate) në Shtetet e Bashkuara. Shuma e bërë publike prej saj ka indinjuar nënat në internet, të cilat pretendojnë se është shumë pak për një përpjekje të tillë.
“Unë quhem Yessenia dhe jam gati 34 javë shtatzënë si nënë surrogate. Theksoj se jam nga SHBA dhe kjo shumë vlen vetëm për nënat surrogate në Shtetet e Bashkuara. Kompensimi mesatar varion nga 40,000 deri në 50,000 dollarë për një nënë surrogate për herë të parë”, thotë ajo. E reja shpjegon se paratë i merr me 10 këste, sapo dëgjohet zemra e fetusit. Gjithashtu merren edhe disa para shtesë, si p.sh. një kompensim për rrobat e lehonisë ose ilaçet. “Kur je nënë surrogate, të gjitha konsultat e tua paguhen nga agjencia me të cilën punon. Ndonjëherë, prindërit bujarë dërgojnë edhe dhurata”.
Megjithatë, çmimet ndryshojnë shumë. Një tjetër nënë surrogate shkruan në pjesën e komenteve se ka marrë më shumë para: “Për fëmijën e parë kam marrë 60 mijë, për të dytin 90 mijë. Unë i negocioj shumat e mia”.
Yessenia saktësoi se mbeti shtatzënë përmes inseminimit in vitro.Në seksionin e komenteve, disa gra shprehën mendimin e tyre për këtë temë.”50,000 dollarë nuk do të mjaftonin që unë të kaloja gjithë këtë për fëmijën e dikujt tjetër.”“Motra ime ishte bartëse e një shoqeje. Çfarë dhuratë e mrekullueshme…”“Për të gjitha gratë që thonë se kjo shumë është shumë pak… vendosuni në pozitën e një gruaje që dëshiron një fëmijë nga një nënë surrogate dhe nuk është e pasur”.“Jam surrogate për herë të dytë në Kanada…Sapo bëra transferimin e embrionit”, shkruan një tjetër nënë bartëse.“Ka kaq shumë jetimë në botë, më mirë birësoni dhe doni fëmijët që tashmë kanë lindur dhe nuk kanë askënd në botë”.“Nuk e kuptoj se si dikush mund ta mbajë një fëmijë në bark për 9 muaj dhe pastaj ta japë atë”…, vazhdojnë komentet.
