Festivali i Sanremos diskutohet prej kohësh tashmë jo vetëm për këngët e perfomancat skenike, por edhe për ekstravaganca që nisin nga veshja e pamja me të cilën paraqiten artistët, e deri tek gjestet kontroverse të tyre, të cilat nuk munguan as këtë herë.
Ajo cfarë ndodhi në natën finale të eventit të rëndësishëm muzikor Italian, do të diskutohet gjatë, dhe jo për performancën e Fedezit e kolegut Rosa Chemical, por puthjes që ai i dha në në fund të këngës “Made in Italia”. Partnerja e Fedezit, Chiara Ferragni u shfaq në skenë duke thënë që s’ka fjalë për këtë, më saktë: Non ho parole.
Por në momentin e publicitetit, Fedez është ngjitur ta takojë dhe dallohet nga lëvizja e buzëve që Ferragni i thotë bashkëshortit: Çfarë bëre sonte? Më pas të dy largohen në prapaskenë për t`u sqaruar.
Amadeus ndërhyri për të zgjidhur situatën e për të zbutur tensionet duke futur Fiorellon në një live ku u bë humor me momentin e puthjes. Më herët gjatë Festivalit Fedez i kërkoi kryeministres Meloni që të legalizojë martesat e të njëjtit seks.
