Sofia Vergara në një intervistë të fundit me gazetën spanjolle El País ka pranuar se pamja e saj joshëse e ka ndihmuar për t’i hapur dyert në Hollywood.
Aktorja e njohur së fundmi për rolin e boses kolumbiane të drogës Griselda Blanco në serialin “Griselda” të Netflix, tregon me krenari se trupi i saj e ndihmoi të merrte një “pasaportë” në industrinë e argëtimit, por ajo që e mban atje është etika e saj e punës.
Vergara ka zbuluar pjesën e trupit të saj që i siguroi punën e saj të parë. “Gjoksi im gjigant më hapi dyert, ata ishin pasaporta ime drejt botës kur isha 20 vjeç dhe fillova si modele, por sot jam 51 vjeç dhe jam ende këtu”, tha ylli 51-vjeçar.
“Ka gra që janë më të bukura, më të reja, që kanë gjoks më të madh dhe trup më të mirë se unë, por unë jam ende këtu sepse kam dëshmuar se mund të qëndroj. Që në moshë të vogël i kam njohur pikat e mia të forta dhe kam luajtur me to. Por nëse më shihni vetëm gjoksin, atëherë ky është problemi juaj”, tha ajo.
