Këngëtarja e famshme botërore, Adele, përfundoi shfaqjet e saj në Mynih fundjavën e kaluar, duke i surprizuar fansat me deklaratën se do të tërhiqet për një periudhë të gjatë për të pushuar. Ajo tha: “Kam kaluar shtatë vitet e fundit duke ndërtuar një jetë të re dhe tani dua ta jetoj atë.”
Sipas "Daily Mail", Adele refuzoi një ofertë prej 200 milionë dollarësh për të vazhduar turneun e saj. Shkaku i këtij vendimi është dëshira për t'u përqendruar te familja dhe vetja.
“Ajo ka marrë oferta të mëdha, por ka zgjedhur të refuzojë të gjitha për të kaluar më shumë kohë në shtëpi me fëmijën dhe të dashurin e saj,” tha një burim i afërt.
Pavarësisht fitimeve të mëdha nga koncertet në Mynih, ku ajo fitonte 5.9 milionë euro për performancë, Adele tani planifikon të rikthehet në Mbretërinë e Bashkuar dhe të vendoset në apartamentin e saj luksoz në Londër.
