Nicholas Cage eshte nje prej aktoreve me te njohur te Hollivudit, por i biri mbetet shume larg babait te tij. 33vjeçari Weston Cage është nën hetim se fundi pas një sulmi të dyshuar ndaj nënës së tij. Weston thuhet te jetë akuzuar për një përleshje fizike me nënën e tij Christina Fulton në shtëpinë e saj në Los Angeles.
Nënë e bir kanë pasur një mosmarrëveshje verbale, e cila më pas ka kaluar në një përleshje fizike. Është raportuar gjithashtu se një ambulancë u dërgua në shtëpinë e Fulton, por askush nuk u transportua në spital. Në fotot e publikuara nga TMZ, Fulton shihet me mavijosje rreth syrit me njolla të verdhë-jeshile dhe vjollcë mbi mollëzën e saj të majtë.
Është raportuar gjithashtu se Weston ka paraqitur një urdhër ndalimi kundër Christina në vitin 2020, megjithëse kjo më vonë u hodh poshtë pasi ai nuk u paraqit në gjykatë.
