Në postimin e fundit në Instagram, pak para se të vdiste, Liam Payne ndau një foto të One Direction me krijuesin e dokumentarit amerikan, Morgan Spurlock. Duke nderuar “Supersize Me Star”, i cili vdiq në muaj maj pas komplikacioneve nga kanceri, Liam shkroi: "Pusho në paqe Morgan Spurlock, ishte kënaqësi të punoja me ty".
Morgan ishte përgjegjësi për dokumentarin 3D të grupit "Fly-on-the-Wall", “One Direction: This Is Us”, për realizimin e të cilit ndoqi cdo lëvizje të këngëtarëve për gjashtë muaj.
Duke komentuar postimin e Liamit, fansat vunë në dukje faktin se ai dhe Morgan ishi duke qëndruar pranë njëri-tjetrit në foto. Njëri nga ndjekësit tha: “Fakti që postimi i tij i fundit është me One Direction, por është shkëputur nga të tjerët dhe është me Morgan, që gjithashu u nda nga jeta këtë vit....E di që është thjesht një rastësi, por duket si një paralajmërim."
Një tjetër ra dakord, duke thënë: "Vërtetë, është diçka rrënqethëse. Zot, do të doja që kjo të mos ndodhte", ndërsa një i tretë vuri në dukje: "E vura re edhe këtë." Në ndjekës i katërt shton: “Është sikur ai të dinte se cfarë e priste, sikur të parabnidnete dicka”.
Fansat në mbarë botën ende vazhdojnë të luftojnë për të pajtuar me idenë se Liam, prej më shumë se një jave nuk është më. Policia në Argjentinë vazhdon të hetojë tragjedinë, megjithatë fansat thonë se kanë mbetur ende disa pyetje të mëdha, duke përfshirë arsyen përse ylli i popit mbeti vetëm dhe pa truprojën e tij.
