Val Kilmer, aktori amerikan që luajti në disa nga filmat më të shquar të tre dekadave të fundit, ka vdekur në moshën 65-vjeçare. Noftimi për humbjen e tij u dha nga vajza e tij, Mercedes Kilmer, përmes The Neë York Times.
Aktori i njohur për rolet e tij në ‘Batman’ dhe ‘Top Gun’ ndërroi jetë nga pneumonia. Pneumonia është një sëmundje inflamatore që prek mushkëritë, kryesisht alveolat, të cilat kanë qeset e ajrit. Këto mbushen me lëngje ose qelb dhe pasojat mund të jenë po aq të rënda sa vdekja. Simptomat e zakonshme të këtij infeksioni përfshijnë kollën me ose pa mukozë, dhimbje gjoksi, ethe, të dridhura dhe vështirësi në frymëmarrje.
Simptomat ndryshojnë, pasi ato lidhen me llojin e mikrobit që shkakton pneumoninë. Trajtimi, gjithmonë me rekomandim mjekësor, kryhet me barna antibiotike, antivirale ose antifungale. Nëse situata përkeqësohet, mjekimi duhet të administrohet në mënyrë intravenoze dhe terapia me oksigjen.
Ndër faktorët e rrezikut, sëmundjet kronike të mushkërive si bronkiektazia ose fibroza cistike rrisin shanset për të patur pneumoni. Po kështu, probleme të tjera të sistemit imunitar, si trajtimi i kancerit ose muajt pas transplantit të organeve, rrisin gjithashtu gjasat për të përjetuar këtë sëmundje.
Raste të tjera përfshijnë operacionin për të trajtuar kancerin e gojës, fytit ose qafës, sëmundjet e zemrës, diabetin ose cirrozën e mëlçisë dhe demencën ose dëmtimin e trurit. Kjo sëmundje prek duhanpirësit, të cilët mund të preken nga disa prej gjendjeve të lartpërmendura.
Pneumonia është shkaku i gjashtë kryesor i vdekjeve në vendet e zhvilluara dhe shkaku kryesor i vdekjeve nga sëmundjet infektive. Ka nga shtatë deri në 15 raste për 1000 njerëz në vit, nga të cilat dy deri në pesë janë të rritur.



















