Kanë kaluar 18 muaj që kur aktori i dashur Bruce Willis u largua nga aktrimi mes betejës së tij të vazhdueshme me afazinë dhe demencën frontotemporale, duke i dhënë fund një karriere hollivudiane.
Willis, i njohur për rolin e tij si detektivi John McClane në filmat "Die Hard", pothuajse nuk është parë nga publiku i gjerë që nga viti 2022, duke patur parasysh përparimin e sëmundjes dhe vështirësive të komunikimit për shkak të afazisë. Por për kënaqësinë e fansave, Willis u pa së fundmi në publik.
-
Selena Gomez hap zemrën: Nuk bëj dot fëmijë!
10 Shtator, 09:29
Fotot e marra nga “The US Sun” tregojnë Willis të veshur me një këmishë me jakë me vija dhe një kapele të zezë, ndërsa udhëtonte rreth Los Angeles të dielën. Ylli i "Pulp Fiction" shoqërohej nga ekipi i tij i sigurisë teksa ishte ulur në sediljen e pasagjerit të një SUV-je të zezë, duke shijuar motin me diell në Kaliforninë jugore.
Tërheqja e Willis nga aktrimi u nxit nga diagnoza e afazisë në 2022, me mjekët që konfirmuan një diagnozë të demencës frontotemporale në 2023. Tallulah Willis, një nga tre vajzat e Bruce me ish-gruan Demi Moore, i tha së fundmi revistës “People” se ruajtja e fleksibilitetit është çelësi për marrëdhënien me babanë e saj.
Karriera e aktrimit të Willis, që shtrihet nga viti 1980 deri në 2022, e pa atë të fitojë një Golden Globe në 1987 për punën e tij në serialin televiziv "Moonlighting". Ai vazhdon të shquhet për më shumë se 150 role gjatë karrierës së tij të gjatë.
