Georgina Rodriguez është një nga influencueset më të mëdha në Instagram, pasi gëzon mbi 57 milionë ndjekës në Instagram. Ajo është mjaft aktive në profilet e saj dhe vazhdimisht zbulon shumë nga detajet e përditshmërisë së saj.
Influencuesja tregon gjithmonë afërsinë e saj me fansat, pavarësisht se që kur nisi lidhjen me yllin portugez, thuhej se nuk ishte aq e afërt me një nga anëtarët e familjes së futbollistit. Kjo është Dolores Aveiro, nëna e Cristiano Ronaldos. Sepse e vërteta është se prej vitesh qarkullojnë disa lajme se marrëdhënia mes Georginas dhe Dolores nuk është e mirë, edhe pse nuk ka pasur asnjëherë prova për të mbështetur këtë informacion.
Në fakt, së fundmi nëna e futbollistit ka udhëtuar drejt Arabisë Saudite për të vizituar djalin dhe familjen e tij, duke shpërndarë një imazh në rrjetet sociale që duket se hedh poshtë të gjitha lajmet ku pretendohej se mes tyre nuk ishte një marrëdhënie e mirë. Ata shihen të buzëqeshur dhe qartësisht duket se nuk ka asnjë problem mes tyre.
Dolores ka udhëtuar në shoqërinë e dy vajzave të saj Katia dhe Elma për të kaluar disa ditë me Cristianon.
