Kylie Jenner ka folur së fundmi për stilin e saj të prindërimit, duke treguar se është në kontrast me atë të motrës së saj, Kim Kardashian. Influencuesja 27-vjeçare, e cila është nënë e Stormit gjashtëvjeçare dhe Aire dyvjeçare, ndau mendimet e saj për rritjen e fëmijëve në moshën e mediave sociale gjatë një interviste. Jenner, e cila ndan fëmijët e saj me ish-partnerin Travis Scott, shpjegoi se është më e kujdesshme kur bëhet fjalë për praninë e fëmijëve të saj në internet.
Ndërsa Kim lejon dy fëmijët e saj më të mëdhenj - North dhe Saint - të kenë një prani në platforma si TikTok dhe YouTube, Kylie ka një qasje të ndryshme.
Vajza e Kim, North ka 19.2 milionë ndjekës në TikTok dhe Saint ka kanalin e tij në YouTube me mijëra abonentë. Megjithatë, Kylie preferon t'i mbajë fëmijët e saj jashtë linje për aq kohë sa të jetë e mundur.
“Nuk dua që ata të kenë llogaritë e tyre në rrjetet sociale derisa të largohen nga shtëpia”, deklaroi ajo për Elle Magazine. Në intervistën e saj me revistën Elle, Kylie tha se kur bëhet fjalë për postimet për fëmijët e saj, ajo dëshiron që çdo përmbajtje të vijë nga ajo ose babai i fëmijëve të saj, dhe jo nga vetë fëmijët. Ajo gjithashtu përmendi se vajza e saj Stormi tashmë i njeh kërcimet TikTok pavarësisht se nuk ka llogarinë e saj, duke theksuar vështirësinë e mbajtjes së fëmijëve plotësisht larg mediave sociale.
-
Befason babai i Capital T: Ne nuk kemi nuse në shtëpi!
24 Tetor, 10:12
Përtej pranisë së fëmijëve në internet, Kylie ka reflektuar edhe për marrëdhënien e saj personale me internetin. Ajo pranoi se postimi i vazhdueshëm i përmbajtjes është rraskapitës dhe vuri në dukje se jeta e saj ishte shumë më e thjeshtë përpara se të kishte fëmijë. Ndërsa dikur ishte më aktive në Instagram, Kylie tani beson në ruajtjen e më shumë privatësisë për veten dhe familjen e saj.
