E rikthyer nga një udhëtim në Indi, Romina Power tregoi për "Verissimo" momentin e lutjes në kujtim të vajzës së saj Ylenia Carrisi, e cila u zhduk në Neë Orleans të Shteteve të Bashkuara të Amerikës në 1994 dhe nuk u gjet më kurrë. "Për ditëlindjen e saj (që do të kishte ka qenë data 29 nëntor) hyra në një tempull, ndeza qirinj dhe meditova shumë”, thotë këngëtarja. Artistja italo-amerikane u shpreh se ndjen një lidhje të fortë me vajzën e saj të lindur në vitin 1970 nga martesa me Al Bano. “E ndjej brenda meje dhe nuk është domosdoshmërisht e trishtueshme, sepse gjithmonë ka shpresë”, thotë ajo. “Kur udhëtonim bashkë na merrnin për motra, ishim të afërta në moshë por edhe në shpirt”, shpjegon Romina.
Sa për popullaritetin që arriti me ish-bashkëshortin e saj Al Bano, ajo shton: "Ylenia e përjetoi keq famën tonë, punonte në televizion me Mike Bongiorno-n, por sa herë dilte në video lutej që miqtë e saj të mos e shihnin".
Romina kujton natyrën “intelektuale” të vajzës së saj e cila në momentin e zhdukjes ishte duke përfunduar studimet universitare. "Asaj i mungonte një provim për t'u diplomuar në Londër dhe shkruante shumë. Po mendoj t'i publikoj shkrimet e saj por ishte e rezervuar dhe nuk e di nëse do kjo gjë do t'i kishte pëlqyer", pranon këngëtarja.
MGK reagon pas ndarjes nga Megan Fox
Mariah Carey thyen rekord në Spotify
Rilindja e Ricky Martin!
