Opernhaus Zürich ka organizuar si çdo vit "Opera për të gjithë", një nga ngjarjet më të mëdha kulturore në qytetin e Cyrihut.
Tenori i njohur shqiptar Saimir Pirgu ishte në rolin kryesor të Don José dhe padyshim që dhuroi një performancë që ka për të mbetur gjatë në kujtesën e gjithë të pranishmëve. Ndërkohë roli i Carmen u interpretua nga Marina Viotti, regjia e operës nga Andreas Homoki dhe drejtimi muzikor nga Gianandrea Noseda.
Në këtë ngjarje madhështore në qiell të hapur priteshin rreth 10 000 vizitorë, por në fakt pjesëmarrja shkoi përtej çdo pritshmërie pasi u mblodhën 50 000 mijë veta dhe 9 mijë online.
Ngjarja filloi me një program të larmishëm paraprak në orën 18:00 dhe përveç kënaqësisë muzikore, vizitorët mundën të shijojnë edhe ushqimet e ofruara në vend.
Galeria fotografike
