Dy ditë pasi u shfaqën bashkë në "Sunny Hill Festival", Lumbardh Salihu dhe Kader Kicaj i kanë dhënë fund lidhjes së tyre.
Lajmi u dha nga Kicaj me anë të një statusi në rrjetin e saj social Instagram, ku shkruan, "Përshëndetje njerëz të mirë! Duke qenë se bashkë kemi ndarë shumë gjëra, desha të ndaj me ju një lajm për jetën time private. Unë tash e tutje nuk jam më me personin që isha deri dje.
Për çdo lloj pyetje kam përgjigje por nuk dua të lëndoj askënd sepse unë, vetëm jam lënduar në këtë lidhje".
Kujtojmë që Lumbardh Salihu dhe Kader Kicaj u njohën në "Big Brother VIP Kosova 2" dhe gjatë romancës së tyre kjo nuk është shkëputja e parë nga njëri-tjetri, edhe pak muaj më parë ata patën një ndarje të shkurtër.
Mbetet për t’u parë në vijim nëse do të ketë ndonjë rikthimin të mundshëm mes tyre.
