Në një moment të vështirë për Belén Rodriguez, Stefano De Martino ka treguar edhe një herë se lidhjet e vërteta nuk zhduken plotësisht, edhe pas një ndarjeje. Moderatori italian është fotografuar duke e shoqëruar ish-bashkëshorten në shtëpi, pas periudhës së saj të vështirë shëndetësore.
Pamjet tregojnë një Stefano të qetë dhe të kujdesshëm pranë Belén, nënës së djalit të tyre Santiago. Edhe pse prej kohësh kanë ndjekur rrugë të ndryshme në jetën personale, duket se mes tyre vazhdon të ekzistojë një lidhje e fortë njerëzore dhe emocionale.
Sipas mediave italiane, Stefano ka qenë pranë Belén që në ditët pas shtrimit të saj në spital, duke i ofruar mbështetje në një periudhë delikate. Ai e ka ndihmuar të përballet me pasiguritë dhe frikërat që ajo ka kaluar së fundmi.
Belén, e njohur për karakterin e saj impulsiv dhe emocional, ka folur shpesh për vështirësitë personale dhe presionin e jetës në qendër të vëmendjes. Ndërkohë, Stefano duket se ka fituar më shumë qetësi dhe maturi me kalimin e viteve.
Pas përmirësimit të gjendjes së saj, Belén është rikthyer gradualisht në rrjetet sociale, duke publikuar momente me vajzën e saj Luna Marì dhe duke treguar se po përpiqet të rifitojë ekuilibrin në jetën personale dhe familjare.
Pranë saj vazhdon të jetë edhe mikja dhe menaxherja e saj historike, Antonia Achille, me të cilën Belén është parë së fundmi në një drekë pune dhe miqësie.
Historia mes Belén dhe Stefano-s mbetet një nga më të komentuarat në showbiz-in italian. Megjithatë, përtej ndarjeve dhe ulje-ngritjeve, dyshja duket se ka zgjedhur të ruajë respektin dhe mbështetjen reciproke, sidomos në momentet më të vështira.
