KreuStil Jetese

Fotoja e Zuckerberg që rikthen frikën e realitetit virtual

E ardhmja është mishëruar në një imazh të postuar të dielën më 21 shkurt në Facebook nga Mark Zuckerberg: pa njoftuar, pronari i Facebook bën një hyrje surprizë në mes të një konference për shtyp të Samsung-ut në Mobile World Congress në Barcelonë, ndërkohë që të gjithë pjesmarrësit ishin të zhytur në kaskat e tyre të realitetit virtual.

Por në komentet e kësaj foto përdoruesit e internetit kanë shfaqur zemërim të madh.

“Mark, a nuk është e çuditshme që ecën i vetëm me sytë e tu, ndërkohë që e gjithë të tjerët ngjajnë si zombi të humbur në matricë?”, pyet një përdorues interneti, komenti i të cilit është pëlqyer nga 8 000 persona.

“Nuk dua të jetoj në një botë të tillë, dua të mund të prek një lule që çel dhe të mund ta ndjej. Dua të mund t’i jap një përqafim dikujt dhe t’i them drejtpërdrejtë se e dua”, shkruan një tjetër, i pëlqyer nga 7 500 persona.

Kjo foto shkakton kaq shumë reagime negative sepse ajo kujton një seri të tërë imazhesh emblematike të kulturës popullore si “A Clockwork Orange”, “Johnny Mnemonic”, “Player One” apo reklama e famshme e Apple e vitit 1984.

Por mbi të gjitha “Matrix”, triologjia në të cilën njerëzimi, i skllavëruar nga inteligjenca artificiale, jeton në shpella, truri i lidhur vazhdimisht në një univers virtual që nuk është gjë tjetër përveç se  Toka.

Tags:

Home bordo

Bordo No.65
Dhjetor 2023

SHKARKO VERSIONIN PDF