Një shtetas indian, autor i një alarmi të rremë për bombë në aeroportin e Gjenevës, Cointrin, duhet t’i paguajë policisë 50 000 franga zvicerane për të kompensuar dëmet e shkaktuara nga një shaka aspak e këndshme, sipas medias zvicerane.
“Fatura do t’i dërgohet nga ana e policisë së Gjenevës, personit në fjalë, 39-vjeçarit me banim në Montreux, në brigjet e liqenit Leman, identiteti i së cilit nuk bëhet i ditur”, shkruante sot gazeta zvicerane “Le Matin”.
Kjo çështje daton që 13 tetorin e kaluar.
Nga frika se mos humbiste avionin, burri i ka thënë një punonjëseje të Aeroflot-it (linjës ajrore ruse), në Gjenevë, se një bombë gjendej në bordin e avionit.
Pas kryeqytetin rus, burri duhet të vijonte udhëtimin drejt Indisë për të takuar familjen e tij.
Policisë i është dashur të angazhojë 101 forca policie, si dhe asistencë për sigurinë, për gjetjen e bombës dhe bllokimin e zonës.
Në total, policia ka përllogaritur shpenzime me vlerë 50 000 franga zvicerane që shtetasi indian duhet të paguajë.
I arrestuar po të njëjtën ditë me njoftimin e alarmit për bombë, burri u dënua një ditë më pas me gjashtë muaj burg.
Aloe Vera: Bima e pavdekshmërisë
Pastroni trupin me pije natyrale
Bukuroshja shqiptare shpallet Miss në SHBA!
Dedikimi i Getoarit për nënën e tij
Fotoja e parë e Brad pas ndarjes me Angelina-n
Melania Trump: Bukuroshja e heshtur!
Trump President: Reagimet e VIP-ave
