Sophie Marceau, aktorja franceze që sot mbush 50 vjeç, vazhdon të magjepsë me bukurinë e saj të pastër dhe me atë përzierje sensualiteti dhe pafajshmërie, që e bënë atë ikonën e kinemasë.
Ishte viti 1980 kur “Koha e mollëve”, bënte për vete një gjeneratë të tërë adoleshentësh në të gjithë botën. Sophie Marceau ishte 14 vjeç dhe në pak javë u përfshi në Olimpin e yjeve.
E lindur në 17 nëntor 1966 në Paris, Daniele DSylvie Maupu ( ky është emri i saj i vërtetë) nga ai Olimp nuk iku kurrë më.
Tre vjet më pas pati një sukses të madh në filmin “Koha e mollëve” dhe u nderua me çmimin Cesar si “Aktorja më e mirë premtuese”, në krah të saj ishte Peirre Cosso, edhe ai kthyer në një idhull të adoleshentëve.
Vazhdimi i karrierës së saj ishte një sukses i madh, me interpretime të mëdha dhe role të rëndësishme në krah të emrave të mëdhenj të kinemasë si Gérard Depardieu (në 1985 me “Police”) Mel Gibson (në “Braveheart” nel 1995), Rupert Everett (“Ëndrra e një nate në mes të verës” në ’99) dhe më pas edhe Pierce Brosnan, gjithmonë në 1999 në “Agjenti 007 – Bota nuk mjafton”, për mos të folur për filmin “Përtej reve” me regji të Michelangelo Antonioni e Wim Wenders (1995).
Një karrierë në rritje të vazhdueshme , e mbushur me mirënjohje, që e bënë një yll botëror dhe gjithmonë të ndjekur për jetën e saj private, në të cilën Sophie nuk ngeli në anonimitet.
Në 1985, në moshën 19 vjeçare u dashurua me regjisorin polak Andrzej Zulaëski (26 vite më i madh), me të cilin mbeti e lidhur per 16 vite dhe me të cilin pati edhe fëmëijën e parë Vincent.
Marrëdhënia zgjati deri në 2001. Nga 2001 deri në 2007 pati një lidhje të gjatë me producentin Jim Lemley dhe lind vajzën e dytë Juliette (2002). Në 2007 lidhet me aktorin Christopher Lambert, të njohur në setin e filmit “Trivial”. Çifti u martua në 2012 dhe u nda në 2014 . Duket se ka qenë gjithmonë ajo që i ka lënë burrat, grua e fortë dhe e vendosur, por mbi të gjitha me principe të forta etike dhe morale.
Tani është e lidhur me yllin e kuzhinës, francezin Cyril Lignac, 10 vite më i ri se ajo. Mbush 50 vjeç dhe Franca e ka nominuar “Ambasadoren e bukurisë franceze” në Lindjen e Largët”. Asnjë kirurgji estetike për Sophie, që preferon të tregojë qetësisht fytyrën e saj natyrale . Për të “Koha e mollëve” nuk ka kaluar kurrë
