Ndoshta jeni lodhur me filmat komercialë dhe dëshironi që mbasditen ta kaloni nën shoqërinë e një filmi deri diku informativ, argëtues, por jo dhe shumë të lodhshëm…eh, është disi e vështirë të zgjedhësh, duke qenë se prodhimtaria e filmave sot është gjithmonë e më në rritje. Për këtë arsye, ne mendojmë t’ju ndihmojmë paksa. Tashmë dihet se një nga artet më argëtuese të momentit është muzika. Rrjedhimisht, njerëzit janë më të lidhur me këtë fushë, duke bërë të mundur kështu një informim të gjerë të masës, lidhur me performues të rinj e të vjetër. A nuk do dëshironit të njihnit jetën e John Lennon, kohë përpara se ai t’u bashkonte me grupin më legjendar të të gjitha kohërave, “Beatles”? Keni dëgjuar për jetën e zhurmshme të Johnny Cash, por do ju pëlqente një përmbledhje jo fort e gjatë e veprimtarisë artistike të këngëtarit? Po sikur t’ju themi se një ndër ikonat e muzikës, I cili bëri bujë jashtë fushes së tij jo shumë muaj më parë (po, Bob Dylan!), është luajtur nga 6 aktorë të ndryshëm, brenda të njëjtit film? Epo, s’keni ç’prisni. Planifikojini mbasditet apo mbrëmjet tuaja në një mini-kinema shtëpiake, duke u bazuar në listën e mëposhtme. Besojeni ose jo, në fund do të na falenderoni…
