Apartamenti luksoz i këngëtares Jennifer Lopez në Nju Jork, mund të bëhet i juaji për vetëm 26.95 milionë dollarë. Ky apartament është i tipit dupleks dhe ndodhet në katin e fundit të ndërtesës, me një pamje fantastike mbi “Madison Square Park”. Këngëtarja e ka blerë që në vitin 2014 dhe ky apartament ka qenë një dashuri për të për pamjet që ofron!
Kjo banesë përfshin katër dhoma gjumi, gjashtë tualete, katër tarraca, një kuzhinë gjigande, studion, dhomën e zhveshjes, lavanderinë dhe një dhomë për stafin e saj. Këngëtarja e ka nxjerrë banesën e saj në shitje, pasi në këtë periudhë është duke kërkuar për një shtëpi të re në Manhattan së bashku me të dashurin e saj Alex Rodriguez. Ndoshta kjo është një shenjë që marrëdhënia e çiftit po shkon më së miri e do të nisin bashkëjetesën! Pamjet mahnitëse të shtëpisë luksoze të këngëtares Jennifer Lopez i gjeni në galeri!
