Nuk ka njeri pa huqe, e sigurisht plot të tilla ka edhe Meghan Markle. Vetëm se ndryshe nga ne që nuk çajmë kokë, Meghan është e detyruar të heq dorë nga ato. Së shpejti do të jetë bashkëshortja e Princit Harry dhe një princeshë me huqe sikur nuk ka lezet. Gjithsesi Meghan është e sinqertë me veten dhe nuk e ka aspak kompleks të pranojë se çfarë nuk shkon tek ajo. Madje ajo shkon edhe më larg duke premtuar ti ndryshojë.
Ajo ka premtuar se do ti respektojë të gjitha rregullat e jetës së saj të re, ndërsa ka shkruar për në blogun “The Tig”, gjërat që do të dëshironte t’i ndryshonte tek vetja në Vitin e Ri. Ajo ka një huq që 80% prej nesh e kanë gjithashtu. “Unë i kafshoj thonjtë dhe kjo ndodh kur kam një fluturim të trazuar me avion apo një ditë të lëkundur. Kjo nuk është një sjellje e një zonje”, tha ajo.
Një tjetër huq që ka ajo ajo është edhe përdormi i fjalëve të pista. Kjo është e rëndë në fakt! Meghan pranon se kur është me nerva i shpëton ndonjë fjalë. Meghan dhe Princi Harry do t’i japin fund beqarisë pranverën që vjen, prandaj Meghan nxito të përmirësohesh se nuk ke dhe shumë kohë!
