Në nisje të sezonit të ri televiziv, një nga programet më të njohur të Top Channel do të vijë këtë fillim shtatori me ndryshime dhe risi, duke nisur që nga rubrikat e shtuara, ndryshimi i orarit, e deri tek moderatorët…
Burime për bordo.al kanë bërë me dije se ; “Në shtëpinë tonë” programi ‘lifestyle’ i cili ka hyrë në sezonin e pestë të tij, këtë sezon ka zgjedhur të ketë në moderim bukuroshen Nevina Shtylla, e cila së bashku me Florjan Agalliun, do të jenë të ‘zotët e shtëpisë’ për muajt në vazhdim.
Autorja e këtij programi Renisa Shabani, do të sjellë kësaj here një program krejtësisht të reformatuar, por duke ruajtur thelbin e programit që është stili i jetesës. Ndryshe nga sezonet e kaluara, kësaj here “Në shtëpinë tonë” do të nisë në orën 12:30 deri në 15:00.
Kujtojmë që sezonin e kaluar dyshja prezantuese e “Në shtëpinë tonë” ishte Stela Kotri dhe Florjan Agalliu, ndërsa Nevina Shtylla ishte krah Edi Manushit në programet “Proçesi Sportiv” dhe “E Diell”.
Galeria fotografike
