Kanye West duket se nuk është shumë i lumtur për lidhjen e ish-bashkëshortes së tij Kim Kardashian me komedianin Pete Davidson, dhe mesa duket, ai ka një mesazh shumë të ashpër për yllin e “SNL”.
Ye ka dy fjalë në këngën e tij të re me The Game të quajtur “My life was never easy”. Një pjesë e këngës është shpërndarë në rrjete sociale dhe dallohet qartë deklarata e tij e ashpër për të dashurin e ri të Kim Kardashian, “Më shpëtoi Zoti që t’ia rregulloj qejfi Pete Davidson-it”.
Kënga supozohet të publikohet të premten mbrëma në orën 21:00 dhe fansat dyshojnë se “single” do të jetë pjesë e albumit të tij “Donda 2” dhe albumit të The Game “Drillmatic”, pasi klipi i këngës u postua nga të dy reperët në llogaritë e tyre të Instagram.
Megjithatë, njerëzit dyshojnë se Kanye do ta heqë tekstin dedikuar Pete nga kënga e tij, pasi është shumë i dhunshëm, dhe ai mbahet për ndryshimet e minutës së fundit në projektet e tij.
Edhe nëse ai vendosë ta tërheqë mbrapsht deklaratën, tashmë është i dukshëm qëndrimi i tij pas ndarjes nga Kim Kardashian e pas lidhjes së kësaj të fundit me komedianin.
Galeria fotografike
