Titanic i James Cameron është duke u rikthyer në ekranin e madh në një version të rinovuar për të festuar përvjetorin e njëzetepestë. Sipas “Paramount Pictures”, filmi klasik i fatkeqësisë do të shfaqet në kinema për një kohë të kufizuar, më 10 shkurt, përpara festës së Shën Valentinit.
“Paramount” fitoi të drejtat e brendshme të filmit vitin e kaluar pasi Disney vendosi një ripublikim ndërkombëtar për filmin hit për t’u parë nga fansat në 3D. Disney e vendosi rishfaqjen gjithashtu për 10 shkurt të këtij viti për nder të 25-vjetorit të filmit të shumëpëlqyer, fitues i Oscarit, i cili u festua në vitin 2022.
Kjo nuk është hera e parë që fansat do të kenë mundësinë të përjetojnë historinë e dashurisë së Jack (Leonardo DiCaprio) dhe Rose (Kate Winslet). Në vitin 2012, filmi romancë u rilançua gjithashtu për herë të dytë. Rishfaqja e vitit 2012 vazhdoi të fitonte një rekord prej 67 milionë dollarësh në javën e hapjes ndërkohë në vitin 2017, Titanic doli sërish në ekranet e mëdha për festimin e 20-vjetorit të tij.
Duke vazhduar me traditën e festimit të përvjetorit të filmit duke e shfaqur në kinema, publikimi i tij i rinovuar në 3D u njoftua në prezantimin e Disney CineEurope në Barcelonë në 2022. Titanic ka pasur një ecuri të mirë gjatë viteve që nga publikimi i tij i parë në 1997, madje duke i bërë aktorët DiCaprio dhe Winslet në mega-yje dhe emra të njohur.
