Diskutimi i djeshëm në “Ftesë në 5” rreth ndjenjave të Kristit për Oltën ngjalli debate të mëdha në studio. Ideja ku u fokusua biseda ishin ndjenjat që mund të ushqehen ndaj një gruaje e cila është tashmë në një lidhje, dhe Robert Aliaj përcolli një qëndrim të clirët, duke thënë se nuk e sheh si problem një pëlqim romantik, qoftë edhe në një rast të tillë.
Madje, si për ta forcuar argumentin e tij, artisti iu kthye dhe Bietës duke pohuar publikisht se gëzonte ndjenja mjaft të mira për të. Moderatorja ia ktheu shpejt përgjigjen duke thënë se : “Ti mund të kesh ndjenja shumë të mira, por unë gëzoj vlerësim për ty”.
Diskutimi vazhdoi dhe në fund të emisionit, duke qeshur moderatorja i përcolli Robertit të falat e partnerit të saj, Albanian Dudushit, të cilit ai ia ktheu përshëndetjen.
Edhe pse gjithcka u mbyll me të qeshura e tone humori, u duk sikur mesazhi i Albanit ishte i qartë: “Mik, mos e kalo cakun”. Megjithatë, e gjitha mbeti në kuadrin e shakasë.
