Pasi bëri bujë me romancat e tij me Victoria Lamas dhe Gigi Hadid, Leonardo DiCaprio u pa me modelen Eden Polani në një festë të fundit. Ylli i Titanikut ishte ulur pranë modeles 19-vjeçare, e cila është 29 vjet më e vogël, në festën e publikimit të EP-së së re të Ebony Riley në Los Angeles.
DiCaprio kishte veshur një xhaketë të zezë të shoqëruar me pantallona të errëta. Ai kompletoi look-un e tij me kapelën e tij të bejsbollit. Bukuroshja izraelite ishte e veshur me një kostum gri me vija gri me një bluzë të bardhë. Dyshja janë parë të buzëqeshur teksa kanë biseduar me njëri-tjetrin gjatë ngjarjes.
Pas ndarjes së tij me Camila Morrone menjëherë pasi ajo mbushi 25 vjeç, DiCaprio u lidh me Hadid dhe Lamas, por asnjëra prej romancave nuk u konfirmua nga aktori apo përfaqësuesit e tij. DiCaprio ndezi thashethemet për lidhjen me Lamas kur ata morën pjesë së bashku në një festë në jaht në St. Barts përpara vitit të ri. Duke ndezur spekulimet, babai i Lamas, Lorenzo Lamas tha në një intervistë me New York Post se vajza e tij “e pëlqen” DiCaprio “shumë”. “E di që e pëlqen shumë. Mendoj se janë takuar muajin e kaluar. Nuk jam i sigurt për rrethanat, por kështu më tha ajo”, tha ai.
Sa i përket marrëdhënies së DiCaprios me Hadid, një burim i tha Entertainment Tonight se ylli i “The Wolf of Wall Street” dhe supermodelja janë të lumtur dhe të kënaqur me jetën e tyre për momentin ndërsa shohin njerëz të tjerë. “Leo dhe Gigi kanë shijuar kohën e tyre së bashku kur janë në gjendje të shihen, por kur janë të zënë me angazhime të ndryshme, ata bëjnë gjërat e tyre”, tha burimi i brendshëm.
“Ata nuk janë ekskluzivë”, tha burimi, duke shtuar, “Ata kanë respekt për njëri-tjetrin dhe gjithmonë kanë parë se ku shkojnë gjërat”.
