Diva e muzikës shqiptare, Manjola Nallbani, ka qenë këtë të premte pjesë e jurisë së “X Factor”, ku duhet thënë se shkëlqeu ashtu siç vetëm ajo di.
Teksa me ëndje ndoqi performancat e konkurrentëve spikati për komentet pikante, këshillat e vyra që vetëm një artiste e vërtetë, që ka provuar e dhuruar për publikun sa e sa emocione në skenë dhe ka dhënë sa e sa leksione në auditoret e Akademisë së Arteve, mund t'i japë..
Fjalët e saj ngritën peshë zemrat e shumë prej konkurrentëve të “X Factor”, pasi artistja që kanë adhuruar për së largu, tashmë po jepte vlerësime për zërin dhe punën e madhe që ata kanë bërë gjatë rrugëtimit të tyre në këtë program.
Manjola Nallbani i kishte munguar ekranit, pasi daljet e saj nuk janë aq të shpeshta dhe duhet theksuar që publikun e kishte marrë malli, thënë kjo nisur nga komentet e shumta që adhuruesit e muzikës së saj kanë lënë në mediat sociale..
