Ish-bashkëshorti i Megan Fox ka folur publikisht për momentet kur martesa e tyre filloi të mos-funksiononte më. Ylli i “Beverly Hills, 90210” kujtoi një bisedë me Megan Fox, në të cilën tha se aktorja ankohej për mënyrën se si Brian përtypej dhe fliste për gjërat e vogla që e shqetësonin për të.
“Unë mendoj se gjëja e përtypjes ishte një shenjë që Megan kishte arritur një pikë ku gjërat nuk ishin të mira dhe ishte irrituese. Pastaj arrin në pikën ku të çmend mënyra se si dikush të shikon. Janë të gjitha këto gjëra të vogla pa kuptim, që e cojnë marrëdhënien drejt fundit”, tha Brian.
Por aktori, i cili ndan djemtë Noah, 10, Bodhi, 9 dhe Journey, 6, me Meganin, theksoi se janë këto lloj momentesh ose krijojnë ose prishin një çift.
“Për mua, është një moment ku duhet vendosur nëse do duhet terapi për të gjetur se çfarë po ndodh, ose në të kundërt gjithçka do shkatërrohet pasi gjërat thjesht grumbullohen”.
Brian dhe Megan u ndanë në vitin 2020 pas nëntë vitesh martesë, duke finalizuar divorcin e tyre në fillim të vitit 2022. Dhe të dy kanë gjetur dashurinë që atëherë. Meghan u fejua me Machine Gun Kelly, ndërsa Brian u fejua me Sharna Burgess në vitin 2023.
