Eklipsi diellor i mijevjecarit tashme e ka nje date, por nuk eshte tani shpejt. Ky fenomen i rrallë astronomik ka tërhequr vëmendjen e shkencëtarëve, agjencive hapësinore dhe pasionantëve të universit kudo në glob. NASA e ka cilësuar si një “shtrirje pothuajse të përsosur” të trupave qiellorë dhe ka theksuar se një ngjarje e tillë nuk do të përsëritet për mijëra vjet. Observatorë dhe qendra kërkimore po planifikojnë misione të veçanta për ta dokumentuar këtë spektakël, si nga Toka ashtu edhe nga hapësira.
Përtej aspektit të tij mahnitës, eklipsi ofron një mundësi unike për studimin e atmosferës diellore, analizimin e jonosferës së Tokës dhe hetimin e disa fenomeneve që mund të vëzhgohen vetëm gjatë një eklipsi të plotë.
Në një kohë kur kushte të veçanta astronomike janë thelbësore, ky eklips konsiderohet si një ngjarje me rëndësi të madhe për brezat e ardhshëm të shkencëtarëve dhe eksploruesve.
Kur Dielli “zhduket” nga qielli
Për rreth shtatë minuta e gjysmë, drita e Diellit do të fshihet nga pamja për ata që ndodhen në vendet e përshtatshme, duke lënë pas një përvojë të paharrueshme – si në kujtesën njerëzore ashtu edhe në literaturën shkencore.
Ky eklips diellor total do të ndodhë më 16 korrik 2186 dhe tashmë është regjistruar si më i gjati në historinë moderne. Faza e errësirës së plotë do të zgjasë plot 7 minuta e 29 sekonda – duke tejkaluar dukshëm rekordin e mëparshëm të vitit 2009 prej 6 minutash e 39 sekondash.
Kjo kohëzgjatje e pazakontë vjen si rezultat i disa faktorëve astronomikë që përkojnë rrallë: atë ditë, Toka do të jetë në afelin – pika më e largët nga Dielli – gjë që e bën yllin të duket më i vogël. Ndërkohë, Hëna do të jetë në perigje – më afër Tokës se zakonisht – duke mundësuar mbulimin e plotë të Diellit për një periudhë më të gjatë.
Edhe pse ndodhet më shumë se një shekull larg, ky eklips tashmë ka ngjallur pritshmëri të mëdha. Rruga e hijes do të kalojë pranë ekuatorit – një zonë që për shkak të lakimit të Tokës favorizon zgjatjen e kohëzgjatjes së fenomenit. Sipas llogaritjeve, kjo shtrirje perfekte e faktorëve nuk do të ndodhë më për mijëra vjet.
Cilat vende do të përjetojnë errësirën totale?
Hija e eklipsit do të përshkojë kryesisht Oqeanin Atlantik, por disa rajone tokësore do të kenë fatin të përjetojnë errësirën e plotë. Këtu përfshihen pjesë të Brazilit verior, Guiana Franceze, disa ishuj të Karaibeve dhe pjesë të Afrikës Perëndimore, si Gana dhe Togo. Në këto zona, edhe pse periudhat e errësirës do të jenë më të shkurtra se ato mbi det, ato do të ofrojnë mundësinë për të përjetuar eklipsin në formën e tij më mbresëlënëse. Qielli do të errësohet tërësisht, yjet do të shfaqen në mes të ditës dhe temperaturat do të bien ndjeshëm – një skenë që të lë pa frymë.
Unlock more with Plus
