KreuCelebrity

U gjet e pajetë në një valixhe; arrestohet i dashuri i shqiptares në Itali!

U gjet e pajetë në një valixhe; arrestohet i dashuri i shqiptares

Ilaria Sula, 22 vjeçe, ka dalë mbrëmjen e 25 marsit, pasi ka shkëmbyer mesazhe në celular me një djalë. Duket se ka pasur një takim pikërisht me këtë bashkëmoshatar. Thuhet se ai është afër Napolit, por që kur Ilaria u zhduk, celulari i tij ndodhet në një lagje të Romës, Quarticciolo.

Nga celulari i Ilarisë dikush u përgjigjet mesazheve, por miqve që kanë dhënë alarmin, bashkë me prindërit, nuk duket se është Ilaria ajo që përgjigjet. Nëna dhe babai paraqitën një kallëzim për personin e zhdukur në stacionin e policisë në San Lorenzo.

Së fundmi mediat italiane kanë zbuluar detaje tronditëse në lidhje me vrasjen e 22-vjeçares shqiptare, Ilaria Sula, e cila u gjet e vdekur mëngjesin e kësaj të mërkure në një zonë pyjore pranë komunës së Polit, rreth 40 kilometra larg Romës.

Pas kërkimeve intensive, trupi i saj u gjet i mbyllur në një valixhe, i hedhur në një greminë. I dyshuari kryesor për vrasjen është i dashuri i saj, Mark Samson, një 23-vjeçar me origjinë filipinase, i cili është arrestuar nga autoritetet italiane.

U gjet e pajetë në një valixhe; arrestohet i dashuri i shqiptares

Sipas hetimeve paraprake, ai dyshohet se ka goditur me thikë Ilarian në apartamentin e tij në lagjen Africano të Romës, dhe më pas ka tentuar të fshehë trupin e saj. Policia ka zbuluar se Samson ka përdorur telefonin e Ilarias pas vrasjes, duke dërguar mesazhe dhe postuar në rrjetet sociale për të krijuar idenë se ajo ishte ende gjallë.

Ky detaj ka ndihmuar autoritetet të zbulojnë të vërtetën dhe ta vendosin Samsonin në qendër të hetimeve. Ilaria Sula ishte studente në Fakultetin e Shkencave Statistike në Universitetin Sapienza të Romës dhe jetonte në një apartament me shoqet e saj. Më 25 mars, ajo u largua nga shtëpia pa dhënë ndonjë shpjegim dhe nuk u kthye më. Familja e saj, e cila ka qenë shumë e shqetësuar për zhdukjen e saj, alarmoi policinë italiane duke nisur menjëherë kërkimet.

 

Bordo No.65
Dhjetor 2023

SHKARKO VERSIONIN PDF