Detaje të reja kanë dalë në dritë, lidhur me ngjarjen në zonën e Selvisë në Tiranë, ku dy shtetaset ukrainase, Antonina Kozachenko dhe Anastasia Lopukhova, 25 dhe 40 vjec, u gjetën të vdekura në banesë. Duket se perpara dy ditesh, ata kishin shkuar në një farmaci ku kanë kërkuar Xanax.
Farmacistja ka refuzuar t’ua shesë, pasi nuk kishin recete nga mjeku. Kjo i ka nervozuar vajzat të cilat më pas edhe e kanë kafshuar farmacisten në krah. Kjo e fundit ka denoncuar rastin në polici. Efektivët i kanë gjetur dy gratë ukrainase në një spital nga Tiranë dhe më pas i ka shoqëruar në komisariat. Pas marrjes në pyetje ato janë të lërë të lira. Mirëpo, dy ditë më pas, shoqja e tyre e dhomës i ka gjetur me hemorragji nga goja dhe pa shenja jete.
