Kompania britanike e teknologjisë, “Skin Analytics” ka marrë miratimin nga organet rregullatorë për aplikacionin “DERM”, një sistem autonom me inteligjencë artificiale për zbulimin e kancerit të lëkurës që mund të përdoret në telefonat inteligjentë.
Zbulimi i kancerit të lëkurës në fazat e hershme rrit shkallën e lartë të mbijetesës. Kjo teknologji mundëson fotografimin e lëkurës së pacientit dhe diagnostikimin pothuajse të menjëhershëm.
Kanceri i lëkurës është një nga format më të trajtueshme të kësaj sëmundje, nëse zbulohet në fazat e hershme. Zyrtarët britanikë të shëndetësisë thonë se normat e kancerit të lëkurës janë rritur 170% gjatë dekadës së fundit dhe 11% e rasteve urgjente u duhet të presin më shumë se një muaj për t’u vizituar te mjeku.
Kompania “Skin Analytics” po demonstron në Londër teknologjinë e re “DERM AI”. Aplikacioni në fjalë funksionon në shumicën e telefonave inteligjentë dhe kërkon një lente shtesë që mundëson fotografimin e lëkurës dhe diagnozën pothuajse të menjëhershme.
Kompania “Skin Analytics” thotë se “DERM” ka një shkallë saktësie prej 98.8% në diagnostikim dhe se kjo teknologji ka ndihmuar diagnostikimin e më shumë se 13 000 pacientëve të prekur nga kanceri i lëkurës.
Në zhvillim prej 12 vjetësh, aplikacioni DERM me inteligjencë artificiale mbështetet te një librari e madhe të dhënash dhe imazhesh.
Penelope Cruz: Jeta nis 50 vjeç!
8 Mars - 8 Fakte që Duhet të Dini!
Le të flasim për fragrancat virale të TikTok!
Gatimet e preferuara të Kate Middleton!
100 vjet FENDI! Fakte që duhet t'i dini!
