Lajme emocionuese për fansat e Hepburn! Sapo ka dalë në shitje ish-vila e saj luksoze në Los Angeles, e cila është vlerësuar për 14 milionë $. Kjo pronë e ndërtuar në vitin 1938, ka strehuar edhe personazhe të tjerë të famshëm hollivudianë përveç aktores bukuroshe si Mia Farrow, Eva Gabor, dhe David Niven dhe ndodhet e pozicionuar në lagjen e famshme ‘Holmby Hills’. Duke qenë se kjo shtëpi ka pasur qiramarrës tepër të famshëm, merret me mend se është një nga më luksozet që mund të kemi parë ndonjëherë.
Brenda saj përfshihen gjashtë dhoma gjumi, gjashtë tualete, një fushë private tenisi, një shtëpi për miqtë, si dhe një sipërfaqe prej 1.1 hektarësh me kopshte dhe lëndina të mrekullueshme. Ka hapësira kaq të mëdha saqë të bëjnë të mendosh për gjithë ato mbrëmje gala të organizuara aty nga yjet e Hollywood-it.
Pas hyrjes në shtëpi, ka një dhomë ndënjieje më të gjerë e familjare, të shoqëruar me një oxhak dhe një raft të tërë librash. Ka ambiente të ndara të kuzhinës tejet ekstravagante, dhomës ku shërbehej mëngjesi apo darka. Një ambient tepër luksoz është edhe studioja në funksionin e një zyre të mirëfilltë.
Shijojeni në galeri botën e ikonës Audrey Hepburn, vizitojeni edhe ju këtë vilë mahnitëse!
