Trendet shkojnë e vijnë, dhe ndonjëherë një trend e përfshin botën e modës si një uragan. Askush nuk e di si goditi, por papritur nisim ta shohim një veshje apo një aksesor kudo!
I mbani mend bluzat “Céline”, apo jo?
Megjithatë, sot do të rikujtojmë vetëm aksesorët dhe këpucët simbol në modë, vit pas viti, të cilët ia linin vendin njëri-tjetrit.
Do të hasni disa “fiksime” të vjetra tuajat, që me siguri ju kanë zënë pluhur në dollap. Le t’i ringjallim, si thoni?
1. Byzylyku “LOVE” nga “Cartier”
Byzylyku origjinal “Cartier” kushton plot 6,300 dollarë! Ai u krijua në vitin 1963, dhe që atëherë, është mbajtur nga princesha Diana, te Angelina Jolie, dhe Kylie Jenner.
Normalisht, versione shumë më ekonomike (dhe imitime) dolën në treg për publikun e gjerë.
2. Atletet wedge nga “Isabel Marant”
Trendi më i madh i vitit 2012, që të gjitha vajzat e bënë tyrin për t’i shtuar vetes disa centimetra.
Normalisht, ishte thuajse e pamundur të kryhej aktivitet fizik në to, por të paktën të jepnin këmbë supermodeleje!
3. Çanta “Soho” nga “Gucci”
Çanta ikonë u lançua në vitin 2014, dhe pati menjëherë sukses. Sipas Lyst, një platformë mode kërkimi, çanta “Soho” kërkohet plot 3000 herë në muaj.
4. Çanta “2.55” nga “Chanel”
Një aksesor klasik, i kërkuar nga të gjithë! Çanta është krijuar që në vitin 1955, por ngelet një simbol edhe dekada më vonë.
Nuk besojmë se do të dalë ndonjëherë nga moda, sepse ka kultin e vet tashmë.
5. Këpucë “Gucci” model “loafers”
Firma njihet për këtë model këpucësh, madje prezantuan edhe loafers me push para një viti.
Këpucët u krijuan në vitin 1953, por vetëm nën drejtimin e Alessandro Michele-s, ato morën famën që meritojnë.
6. Çizmet “Ugg”
Kanë qenë një trend mjaft i diskutuar, por edhe i përqafuar nga miliona.
Paris Hilton është personi që duhet falënderuar, që i bëri çizmet pjesë të veshjes së një vajze “It”.
7. Orë “Michael Kors”
I heqim kapelen stilistit Michael Kors për orët e tij të mrekullueshme ngjyrë argjendi, ari apo trëndafili, që u bënë një hit i vërtetë në vitin 2013.
Çdo blogere mode shpaloste me krenari orën e saj “Michael Kors”, duke e përhapur famën e orëve kudo.
Koleksioni i fundit nga Azzedine Alaïa!
Një orë dhurata e duhur për Krishtlindje!
Llastojeni veten me këtë skrab fytyre sonte!
Benefitet prej gështenjës, frutit të vjeshtës!
Dimri vjen me stilin luksoz country!
7 ide për thonj flakë të kuq, dhe aspak #basic!
