Pranvera është një ndër stinët më të bukura, jo vetëm për diellin, lulet aromat edhe ngjyra që ajo sjellë, por edhe për faktin se moti është më i mirë. Prandaj dhe shumë çifte zgjedhin pikërisht këtë stinë për të lidhur jetën me njëri-tjetrin. E ndërsa na vjen ftesa për dasmë, pyetja e parë që na vjen ndër mend është: çfarë do vesh?
E dimë që ju duket e vështirë të gjesh veshjen e duhur, prandaj po ju japim disa këshilla. Fillimisht duhet të merrni parasysh tre detaje tejet të rëndësishëm: lloji i ceremonisë, vendi dhe stili juaj personal.
“Sipas vendit bëhet kuvendi”, thotë një shprehje e urtë popullore, andaj duhet të dini nëse dasma është në fshat apo qytet, ditën apo në mbrëmje, pasi çdo situatë donë përshtatjen e vet. Për shembull, nëse dasma është në fshat duhet të zgjidhni patjetër disa këpucë që nuk ngecin në barë. Gjithsesi, ja ku i keni disa sugjerime.
