Angela Martini ka bërë mjaft bujë së fundmi për historinë e dashurisë me milionerin Dragus Savulescu. Krejt papritur, mësuam për martesën e tyre, ndërsa prej kohësh i lajmëruan ndjekësit se po përgatiteshin për një projekt të përbashkët. E mesa duket, çifti nuk ka pritur më gjatë për të zbuluar surprizën.
Duke qenë se Savulescu është aktor dhe producent në Hollywood, të dy partnerët kanë realizuar një klip/mini-film, lidhur me dashurinë e tyre. Me një stil të ngjashëm me atë të filmave të Tarantinos, e një histori tipike prej Bonnie dhe Clyde, Angela dhe Dragus shfaqen në skena të nxehta. Një romancë ngritur mbi paranë, seksin dhe aventurën, e sjell çiftin shumë më ndryshe nga se i kemi parë deri më tani.
Një histori të ngjashme po përjeton së fundmi edhe modelja Emily Ratajkowski, e cila ashtu si Angela, organizoi një martesë surprizë dhe i habiti të gjithë kur u shfaq me poza provokuese krah bashkëshortit të saj producent. Fati i super-modeleve, apo jo?
