Kampionati që nis rrugëtimin këtë të enjte për të mbërthyer para ekranit mijëra shikues do të ketë interes jo vetëm për ndeshjet, por edhe ceremonitë e hapjes që gjithmonë kanë dhuruar spektakël. Aida Garifullina është sopranoja e famshme ruse që do të këndojë në ceremoninë hapëse të Kupës së Botës 2018, së bashku me popstarin britanik Robbie Williams.
Bukuroshja ruse u zgjodh për këtë finale jo rastësisht, përveç talentit në muzikë, ajo ka një lidhje të veçantë me sportin, veçanërisht tenisin. Pasion ky, të cilin ndoshta e ka “dhuratë” nga lidhja e saj me tenistin Murat Safin, me të cilin ka një fëmijë.
